ਵੱਡੀ ਖ਼ਬਰ ! LIC ਦਫਤਰ ‘ਚ ਲੱਗੀ ਭਿਆਨਕ ਅੱਗ, ਲੋਕਾਂ ’ਚ ਮੱਚਿਆ ਹੜਕੰਪ

ਮੁੰਬਈ-ਦੇਸ਼ ਦੀ ਸਭ ਤੋਂ ਵੱਡੀ ਬੀਮਾ ਕੰਪਨੀ ਲਾਈਫ ਇੰਸ਼ੋਰੈਂਸ ਕਾਰਪੋਰੇਸ਼ਨ ਆਫ ਇੰਡੀਆ (LIC) ਦੇ ਮੁੰਬਈ ਦਫਤਰ ‘ਚ ਵੀ ਅੱਗ ਲੱਗਣ ਦੀ ਜਾਣਕਾਰੀ ਮਿਲੀ ਹੈ । ਇਸ ਦੋਰਾਨ ਅੱਗ ਕਾਰਨ ਕਿਸੇ ਤਰ੍ਹਾਂ ਦੇ ਜਾਨੀ-ਮਾਲੀ ਨੁਕਸਾਨ ਦੀ ਕੋਈ ਖਬਰ ਨਹੀਂ ਹੈ। LIC ਦਾ ਇਹ ਦਫਤਰ ਸਾਂਤਾਕਰੂਜ਼ ਖੇਤਰ ਦੇ ਵਿਲੇ ਪਾਰਲੇ ਪੱਛਮੀ ਵਿੱਚ ਸਵਾਮੀ ਵਿਵੇਕਾਨੰਦ ਮਾਰਗ ‘ਤੇ ਸਥਿਤ ਹੈ। ਅੱਗ ਬੁਝਾਉਣ ਲਈ ਫਾਇਰ ਬ੍ਰਿਗੇਡ ਦੀਆਂ ਅੱਠ ਗੱਡੀਆਂ ਤਾਇਨਾਤ ਕੀਤੀਆਂ ਗਈਆਂ ਹਨ। ਫਿਲਹਾਲ ਅੱਗ ਬੁਝਾਉਣ ਦਾ ਕੰਮ ਚੱਲ ਰਿਹਾ ਹੈ।



ਅੱਗ ਨਾਲ ਕਈ ਕੰਪਿਊਟਰਾਂ ਅਤੇ ਫਰਨੀਚਰ ਦੇ ਨੁਕਸਾਨੇ ਜਾਣ ਦੀ ਸੂਚਨਾ ਹੈ। ਮੁੰਬਈ ਫਾਇਰ ਡਿਪਾਰਟਮੈਂਟ ਦੇ ਇਕ ਅਧਿਕਾਰੀ ਨੇ ਕਿਹਾ “ਅੱਗ ਜ਼ਮੀਨੀ ਮੰਜ਼ਿਲ ਅਤੇ ਉਪਰਲੀ ਦੋ ਮੰਜ਼ਿਲਾ ਐਲਆਈਸੀ ਦਫਤਰ ਦੀ ਇਮਾਰਤ ‘ਤੇ ‘ਤਨਖਾਹ ਬਚਤ ਯੋਜਨਾ’ ਸੈਕਸ਼ਨ ਵਿਚ ਬਿਜਲੀ ਦੀਆਂ ਤਾਰਾਂ, ਇੰਸਟਾਲੇਸ਼ਨ, ਕੰਪਿਊਟਰ, ਫਾਈਲ ਰਿਕਾਰਡ, ਲੱਕੜ ਦੇ ਫਰਨੀਚਰ ਆਦਿ ਤੱਕ ਸੀਮਤ ਸੀ। ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ।